Málþingið Mannréttindi intersex fólks fer fram laugardaginn 17. febrúar í háskólabyggingunni Öskju. Þar verður rædd ný nálgun til framtíðar og leitast við að varpa ljósi á stöðuna á Íslandi í dag, þær framfarir sem nú eiga sér stað í málefnum intersex fólks víðs vegar um heim og hvaða aðgerða sé þörf hér á landi til aðfulltryggja mannréttindi intersex fólks. Hinsegin málefni voru í fyrsta sinn til umfjöllunar í stjórnarsáttmála Íslands árið 2017 með sérstakri áherslu á réttindi intersex fólks. Kitty Anderson, formaður Intersex Íslands og María Helga Guðmundsdóttir, formaður Samtakanna '78 komu í þáttinn í dag.

„Ofbeldið breytti mér og gerði mig að stríðsmanni," segir Ágúst Kristján Steinarsson sem hefur strítt við geðhvörf. Hann hefur reynslu af því að vera beittur valdi og ofbeldi við læknismeðferð en það er einmitt umfjöllunarefnið hjá Bergljótu Baldursdóttur á Heilsuvaktinni í dag.

Nú stunda fáir hvalveiðar enda erfitt með markaði og ýmislegt annað

kemur til. Kristín Einarsdóttir hitti Gunnar Jóhannsson fyrrverandi hvalveiðimann og forvitnaðist um hvernig þessar veiðar gengur fyrir sig hér áður fyrr.

Umsjón í dag Guðrún Gunnarsdóttir og Gunnar Hansson

MANNLEGI ÞÁTTURINN - ÞRIÐJUDAGINN 13.FEB. - KYNNING Á EFNI

Umsjón í dag Guðrún Gunnarsdóttir og Viktoría Hermannsdóttir

Ástríður Grímsdóttir gaf á dögunum út bókin Týri og Bimbó sem eru sögur sem hún samdi upprunalega fyrir barnabarnið sitt, Ástríði Rán Erlendsdóttur sem lést árið 2013. Bókin er gefin út í hennar minningu og í þeim tilgangi að safna fyrir bættum úrræðum þegar kemur að málefnum ungra fíkla.

Geðheilsa-eftirfylgd er teymi fagfólks sem hefur starfað innan Heilsugæslu höfuðborgarsvæðisins undanfarin 15 ár í nánu samstarfi við Hugarafl, samtök notenda. Í teyminu starfa sálfræðingar, iðjuþjálfi, félagsráðgjafi og jógakennari. Starf GET og Hugarafls hefur hlotið margvíslegar viðurkenningar hér heima og erlendis og hefur samstarf teymisins við Hugarafl, samtök notenda, vakið sérstaka athygli. Heilsugæsla höfuðborgarsvæðiðsins hefur ákveðið að leggja niður GET (alls 4 stöðugildi) og við ætlum að heyra í Auði Axelsdóttur sem hefur veitt þessari starfssemi forstöðu.

Kvæðamannafélagið Iðunn er að safna fyrir útgáfu á 160 kvæðalögum. Það er skemmtikvöld annað kvöld á Sólon og þær koma hingað Bára Grímsdóttir og Rósa Þorsteinsdóttir og segja okkur nánar frá og kveða vísur.

Mannlegi þátturinn 12.febrúar 2018

Umsjón í dag Guðrún Gunnarsdóttir og Lísa Pálsdóttir

Við segjum frá Námskeiði sem er ætlað öllum þeim sem vilja fræðast um breytingaskeið kvenna og leiðir til að draga úr einkennum og heilsufarskvillum sem geta fylgt í kjölfarið.

Á námskeiðinu er td. fjallað um fæðu og þarmaflóru og farið er yfir hvernig röskun á þessari mikilvægu flóru getur stuðlað að hitakófum og svitaköstum og haft áhrif á svefn og andlega líðan. Birna G. Ásbjörnsdóttir kemur til okkar til að segja okkur nánar frá en hún er með meistaragráðu í næringarlæknisfræði frá háskólanum í Surrey, og hefur einnig lokið námi í gagnreyndum heilbrigðisvísindum frá Oxford.

Við heyrum viðtalsbrot úr safni Útvarpsins frá árinu 1957, úr þættinum Á ferð og flugi . Í þeim þætti ræddi Gunnar Scram við Jóhannes S Kjarval og þeir ganga um nýopnaða myndlistarsýningu Jóhannesar í leikfimisal Jóns Þorsteinssonar Lindargötu 7. Þeir koma víða við í spjallinu, tala um skútusjómennsku, kollega í málarastétt,ungu málarana og abstrakt list. .

Og lesandi vikunnar er Hallveig Rúnarsdóttir sópransöngkona

Karl Ágúst Úlfsson er föstudagsgesturinn okkar í dag en hann hefur komið við á listasviðinu svo eftir hefur verið tekið frá því hann útskrifaðist úr leiklistarskólanum. Hann hefur leikið , leikstýrt, skrifað leikrit, kvikmyndahandrit, þýtt og samið lög og söngtexta og er enn að.

Og besti vinur bragðlaukana Sigurlaug Margrét Jónasdóttir talar um pasta frá öllum mögulegum og ómögulegum hliðum.

Umsjón í dag Guðrún Gunnarsdóttir og Gunnar Hansson

Eftir fréttaflutning um mál starfsmanns Barnaverndarnefndar Reykjavíkur undanfarið hafa komið upp miklar umræður um öryggi barna okkar. Samtökin Blátt áfram standa fyrir svokölluðu Verndara barna námskeiði sem styður starfsfólk sem starfar með börnum og ungmennum að taka umræðu um óæskilega hegðun samstarfsfólks, til að vera betur í stakk búinn að bregðast við ef barn segir þeim frá ofbeldi, eða kemur upp grunur um ósiðlega hegðun. Sigríður Björnsdóttir stofnandi Blátt áfram og Elísa R. Ingólfsdóttir varaformaður Blátt áfram, komu í þáttinn og sögðu frá.

Stytting vinnutíma hjá starfsfólki getur stuðlað að aukinni þátttöku kvenna og hlutastarfandi á vinnumarkaði. Mikið er af ónýttum hæfileikum og verðmætum mannauði í samfélaginu. Dæmi þar um eru atvinnulausir ungir nemendur og starfsmenn sem kjósa fremur hlutastörf, s.s. konur og eldra starfsfólk. Sonja Ýr Þorbergsdóttir lögfræðingur BSRB kom og fræddi okkur um þetta mál og hvernig það kemur t.d. við jafnrétti kynjanna.

Viskukýrin, árleg spurningakeppni Nemendafélags LbhÍ á Hvanneyri verður haldin í kvöld. Þar munu nemendur, starfsfólk og heimafólk etja kappi. Keppnin er mikil skemmtun fyrir alla aldurshópa og vinsæl hjá nemendum og heimamönnum í Borgarbyggð. Helsta einkenni keppnarinnar er að á hverju ári er valinn nýborinn viskukálfur sem tekur á móti gestum og fær að fylgjast með keppninni, gestum til mikillar gleði og keppendum til lukku. Við hringdum í Þuríði Lilly Sigurðardóttur, formann nemendafélags Landbúnaðarháskólans í þættinum.

Umsjón í dag Guðrún Gunnarsdóttir og Gunnar Hansson

Er mygla í húsinu? var yfirskrift fræðslufundar á vegum Samtaka verslunar og þjónustu og verkfræðistofunnar Mannvits sem fram fór í lok síðasta mánaðar. Á fundinum var fjallað um áhrif myglu í húsum á líðan, heilsu og réttarstöðu fólks. Kristján Guðlaugsson, verkfræðingur hjá Mannviti kom í þáttinn og sagði okkur frá sínu erindi á fræðslufundinum, þar sem hann talaði meðal annast um hugtakið innivist og líðan fólks í húsnæði.

Slökun í borg er heiti á samstarfsverkefni Thelmu Bjarkar Jónsdóttur jógakennara og Systrasamlagsins og er styrkt af Reykjavíkurborg. Hér er um að ræða 40 daga hugleiðslu fyrir alla. Það verður boðið upp á fasta 11 mínútna möntrustund fjórum sinnum í viku. Einnig Pop up hugleiðslu viðburði hér og þar um borgina sem kynntir verða síðar. Við hringdum í Thelmu Björk í dag.

Við fengum póstkort frá Magnúsi R. Einarssyni í París í dag. Í þessu póstkorti sagði hann frá snjókomu og ófærð, matvælaþjófnaði og vandanum að tala og skilja frönsku.

Umsjón í dag Guðrún Gunnarsdóttir og Gunnar Hansson

Í dag er alþjóðlegi netöryggisdagurinn og við fjöllum um netöryggi barna í þættinum. Frá árinu 2001 hafa Barnaheill - Save the Children á Íslandi starfrækt ábendingalínu fyrir ólöglegt og óviðeigandi efni á neti, í samstarfi við Ríkislögreglustjóra. Ábendingalína Barnaheilla er þátttakandi í samstarfi ábendingalína á heimsvísu í gegnum alþjóðasamtökin Inhope. Þær Þóra Jónsdóttir, frá Barnaheill og Guðrún Sesselja Baldursdóttir komu í þáttinn og sögðu okkur frekar frá.

Gönguverkefnið Svalur er fyrir alla foreldra og unglingana þeirra þar sem markmiðið er að skapa gæða samverustundir í góðum gönguferðum úti í náttúrunni. Námskeiðið er góður undirbúningur fyrir fjallamennsku og útivist og inniber fræðslu um búnað og nesti, hvernig á að pakka, ganga með bakpoka, vaða ár og hita súpu uppi á fjalli. Við spjölluðum við mæðginin Hönnu Grétu Pálsdóttur og Aron Frey Stefánsson um þetta verkefni.

Í dag heyrðum við gamalt viðtal úr safni útvarpsins. Skemmtilegt og áhugavert viðtal við merkilegan mann, Jóhannes Jósefsson, eða Jóhannes á Borg, sem Stefán Jónsson tók í tilefni áttræðisafmælis Jóhannesar árið 1963 í sumarbústað hans, Lundi við Hítará á Mýrum. Í því talar Jóhannes um veiðimennsku og vísur, sem hann meðal annars orti sjálfur. Hann ræðir einnig um áflog í æsku, íslensku glímuna svo rifjar hann upp nokkrar frægðarsögur frá því þegar hann ferðaðist um heiminn og glímdi við hvern þann sem vildi spreyta sig að standa gegn honum, meðal annars japanskan glímukappa sem aldrei hafði verið lagður og hnífamann í Portúgal. Að lokum rifjar hann upp þegar Hótel Borg var opnuð honum til mikillar ánægju.

Umsjón í dag Guðrún Gunnarsdóttir og Gunnar Hansson

Fimmtíu ár eru nú liðin frá sjóslysunum miklu í Ísafjarðardjúpi í byrjun febrúar 1968. Þá fórust 26 sjómenn af tveimur breskum togurum og einum íslenskum vélbáti. Af því tilefni verður haldin athöfn um borð í varðskipinu Óðni til minningar um þá sem týndu lífi þennan örlagaríka dag og jafnframt til að minnast þess björgunarafreks sem áhöfnin á Óðni vann. Guðbrandur Benediktsson, safnstjóri Borgarsögusafnsins sagði okkur frá þessum sjóslysum, eftirmálum þeirra meðal annars í Bretlandi og viðburðinum um borð í Óðni í dag.

Umhverfis- og auðlindaráðuneytið hefur skilað Strætó bs áliti sínu varðandi undanþágu á reglugerð sem myndi leyfa gæludýr í strætó í eitt ár. Strætó bs óskaði eftir undanþágu frá 55. grein reglugerðar um hollustuhætti eða að breyting verði á reglugerðinni vegna tilraunaverkefnis um gæludýrahald í strætó. Heiða Björg Hilmisdóttir stjórnarformaður Strætó bs kom í þáttinn og fór með okkur yfir málið.

Lesandi vikunnar í þetta skiptið var Vigdís Hauksdóttir. Hún er garðyrkjufræðingur og lögfræðingur og sat á Alþingi fyrir Framsóknarflokkinn, en hún deildi með okkur hvað hún er að lesa, hvað er á náttborðinu og hvaða bækur og höfundar hafa haft áhrif á hana í gegnum tíðina.

Umsjón í dag Lísa Pálsdóttir og Gunnar Hansson

MANNLEGI ÞÁTTURINN FÖSTUDAGINN 2.FEB. KYNNING Á EFNI

Umsjón í dag Guðrún Gunnarsdóttir og Gunnar Hansson

Föstudagsgestur Mannlega þáttarins í þetta skiptið er maður hokinn af reynslu. Það eru ekki margir sem hafa fengið þjóðina til að hlægja oftar og meira, hann hefur skrifað, þýtt, leikstýrt og leikið og þá er engan veginn allt upp talið. Við fáum Gísla Rúnar Jónsson í kaffi og spjall hér eftir nokkrar mínútur og spjöllum við hann um allt milli himins og jarðar.

Við heyrum brot úr þættinum Heima og Heiman sem var á dagskrá Útvarpsins 11. september 1960 . Umsjón höfðu Haraldur J Hamar og Heimir Hannesson. Í þættinum talar Birgir Þórhallsson deildarstjóri Flugfélags Íslands þar sem hann fer yfir stöðu ferðamála hér á landi. Hann talar um vöntun á hótelrými og framtíðarhorfur.

Sigurlaug Margrét Jónasdóttir kemur til okkar í dag eins með sitt vikulega matarspjall. Í síðustu viku fjallaði hún um matarvenjur Loðvíks 14. Frakkakonungs en í þetta skiptið fjallar hún um matarvenjur annars konungs, konungs rokksins, Elvis Presley. Hann borðaði kannski ekki hollasta mat sem fyrir fannst, hann lét eftir sér eitt og annað. En við heyrum meira af því hjá Sigurlaugu síðar í þættinum.

Auglýsingamarkaður hefur talsvert breyst á tiltölulega stuttum tíma. Sífellt fer stærri hluti birtingakostnaðar auglýsinga í vefmiðla. Það eru ekki lengur bara dagblöð, tímarit, sjónvarp og útvarp. Nú eru líka auglýsingar á samfélagsmiðlum eins og Facebook, Instagram og Youtube. Á netinu þarf að hugsa auglýsingarnar á annan hátt en í gömlu hefðbundnu miðlunum og þar er til dæmis hægt að velja hópinn sem sér auglýsingarnar með mikilli nákvæmni. Rannveig Tryggvadóttir framkvæmdastjóri Pipar/MEDIA kom og fræddi okkur um auglýsingar á vefnum.

Af hverju setjum við okkur markmið? Hvaða markmið setjum við okkur og hvernig setjum við okkur markmið? Ósk Matthildur Arnarsdóttir skrifaði pistil á heilsutorg.is um markmiðssetningar. Hún kom í þáttinn í dag.

Dracula, Quasimodo, Hogworth skólinn, slím og fleira verður í dularfullri stemmningu í Borgarbókasafninu á Vetrarhátíð sem hefst í dag, Lísa Páls hitti Hólmfríði Ólafsdóttur og fékk að vita meira um hátíðina.

Umsjón í dag Guðrún Gunnarsdóttir og Gunnar Hansson