Quai di Marcia De Queiros da Falera. La turisticra na sa betg exact tge ch'igl è, che fa ora la magia da quest lieu. Ma per il mument è la Nicaragua lunsch davent, pervia da la situaziun da covid-19 na betg da cuntanscher. «Fitg emoziunala sun jau per il mument, er trista», di Marcia De Queiros. Dals 14 onns, dapi ch'ella ha fatg la matura, è ella bunamain stada quatter onns en viadi. Ma ina fugia na sajan quests viadis betg. «Igl è plitost il giavisch da libertad ch'jau ves en l'exteriur», di Marcia De Queiros, ch'ha 34 onns.

Sia libertad en la Nicaragua è da viver simpel e cun la natira. Da viver tenor il ritmus dal sulegl. Ma ella vul er purtar in zic structura Svizra/Europeica en la Nicaragua, in pajais che n'è anc betg fitg turistic, ch'è anc pur.