«In radiolog che guarda be ils maletgs n'è betg in bun radiolog. El sto adina era vesair il pazient.»

Durant varga 30 onns ha il Sursilvan lavurà sco expert sin il sectur da la radiologia, è sa fatg in num sco corifea dad analisas cun la tecnologia da la resonanza magnetica ed ha fundà quatter instituts en Svizra. Oz viva el a Küssnacht am Rigi, ha in domicil ad Arosa ed en il Tessin, nua ch'el sa retira per far ses hobis: il sport ed il scriver. Dapi ch'el è pensiunà ha l'um ch'è oriund da Trun gia scrit trais cudeschs ed il gust da scriver, creschia cun mintga di.