ជា​កូន​អ្នក​កសិករ​ធ្វើ​ស្រែ​ចម្ការ​ អ្នកស្រី ​អៃ អ៊ីសា ​ម្ចាស់​អាជីវកម្ម​គំនូរ​គ្រាប់​អង្ករ​ Cambodia Rice Art​ បាន​បង្កើត​អាជីវកម្ម​មួយ​ជា​លក្ខណៈ​គ្រួសារ​ ដោយ​យក​គ្រាប់​អង្ករ​មក​ធ្វើ​ជា​គំនូរ​ដែល​ជួយ​ផ្សព្វផ្សាយ​វប្បធម៌ ​និង​លើក​កម្ពស់​ពី​គុណ​តម្លៃ​អង្ករ​ខ្មែរ​ទៅ​កាន់​ទី​ផ្សារ​ទាំង​ក្នុង​ស្រុក​ និង​ក្រៅ​ស្រុក។​ ជា​ស្រី្ត ​ខ្មែរ-​អ៊ីស្លាម​ អ្នកស្រី អ៊ីសា ​បាន​លើក​ឡើង​ថា ​ទៅ​ថ្ងៃ​អនាគត​ អ្នកស្រី​ចង់​បង្កើត​ជា​សារមន្ទីរ​ដើម្បី​ដាក់​តាំង​គំនូរ​គ្រាប់​អង្ករ​ ដោយ​ប្រមូល​ផ្តុំ​អ្នក​ផលិត​ទាំង​អស់​ និង​ស្វែង​រក​ឱកាស​ទីផ្សារ​នាំ​ចេញ​ទៅ​ក្រៅ​ប្រទេស​ឱ្យ​បាន​ច្រើន។​