មហោស្រពជាតិភាពយន្តខ្នាតខ្លីត្រូវបានបើកសម្ពោធជាលើកទី៤ ចាប់ពីថ្ងៃទី២៥ ដល់ថ្ងៃទី៣០ ខែវិច្ឆិកា ឆ្នាំ២០២៤។ មានខ្សែភាពយន្តខ្នាតខ្លីចំនួន ៤៦ស្នាដៃត្រូវបានជ្រើសរើសឲ្យចាក់បញ្ចាំង និងប្រកួតប្រជែងផ្តាច់ព្រ័ត្រដើម្បីដណ្តើមយកពានរង្វាន់កម្រិតថ្នាក់ជាតិឆ្នាំ ២០២៤។ ព្រឹត្តិការណ៍នៃការរៀបចំវេទិកាមហោស្រពជាតិភាពយន្តខ្លាតខ្លីមានគោលបំណងជំរុញ និងលើកទឹកចិត្តដល់យុវជនដែលស្រលាញ់វិស័យភាពយន្តឲ្យបង្កើតស្នាដៃ និងលើកកម្ពស់វិស័យភាពយន្តខ្នាតខ្លីក្នុងដំណើរឆ្ពោះទៅរកភាពយន្តខ្នាតវែង។