ក្រោយ​ពី​បើក​ដំណើរ​ការ​ជិត​៤ឆ្នាំ ​មជ្ឈមណ្ឌល​សូត្រខ្មែរ​បាន​ក្លាយជា​កន្លែង​បង្គោល​មួយ​សម្រាប់​ការ​ស្រាវជ្រាវ​ និង​បង្កាត់​ពូជ​ដង្កូវនាង​ ដែល​មាន​គុណភាព​សម្រាប់​ផលិត​សូត្រ​នៅ​ក្នុង​ស្រុក។​ ពូជដង្កូវ​នាង​ដែល​កន្លង​មក​អាច​ផលិត​សូត្រ​បាន​តែ៣០០ម៉ែត្រ ​តែ​បច្ចុប្បន្ន​អាច​បង្កើត​សរសៃ​សូត្រ​រហូត​ដល់ ​៥០០ម៉ែត្រ ​ខណៈអត្រា​នៃការ​ស្លាប់​ដង្កូវ​នាង​ក៏លែង​ជាក្តី​បារម្ភ​ដែរ។​ អ្នក​ផ្តួចផ្តើម​បង្កើត​មជ្ឈមណ្ឌល ​អះអាង​ដោយ​សោមនស្ស​ថា​ឆ្នាំ​២០២២ ​គឺជា​ពេល​ដែល​អាច​និយាយ​បាន​ថាសូត្រ​ខ្មែរ​មាន​ជីវិត​ឡើងវិញ។​