មជ្ឈមណ្ឌលបុប្ផាណា កាលពីថ្ងៃទី២៦ ខែមេសា ឆ្នាំ២០២៥ បានរៀបចំពិធីបង្សុកូលរំឭកខួប៥០ឆ្នាំនៃការឡើងកាន់អំណាចដ៏ឃោរឃៅរបស់ពួកខ្មែរក្រហមកាលពីឆ្នាំ១៩៧៥។ កម្មវិធីនៃការរំឭកខួប៥០ឆ្នាំនេះមានទាំងការតាំងពិព័រណ៍ ការរំឭកវិញ្ញាណក្ខ័ន្ធជនរងគ្រោះក្នុងសម័យខ្មែរក្រហម ព្រមទាំងកិច្ចពិភាក្សាដ៏សំខាន់មួយរវាងអ្នករស់រានមានជីវិតនិងអ្នកចូលរួមវ័យក្មេងជំនាន់ក្រោយ ដើម្បីបន្លឺការចងចាំ រំឭកពីអតីតកាលនិងដើម្បីអប់រំសម្រាប់អនាគត។