បង្កើត​នៅក្នុង​ឆ្នាំ១៩៩៤​«មណ្ឌលមែកឈើ»​ដែល​ជាកន្លែង​ទទួល​ចិញ្ចឹម​កុមារ​គ្មាន​ទីពឹង​ផ្ដើម​ផ្លាស់ប្ដូរ​រូប​រាង​ ដោយ​ប្រែពីផ្ទះ​ឈើចាស់​បុរាណ​មក​ជាផ្ទះឈើ​បែបថ្មី។ ​បច្ចុប្បន្ន​ទីនេះ​ទទួល​មើល​ថែទាំ​កុមារ​ទាំងពីរ​ភេទ​ជិត១៣០នាក់​ ហើយ​ផ្ដល់​អាហារ​បីពេល​ក្នុងមួយថ្ងៃ​ កន្លែង​ស្នាក់​នៅសមរម្យ​ និង​ផ្ដល់​ការអប់រំ​ភាសាខ្មែរ​និងអង់គ្លេស។ ​មណ្ឌល​រស់បាន​ដោយ​មានការ​ទំនុក​បំរុង​ពីសប្បុរសជន​ក្រៅ​និង​ក្នុង​ប្រទេស។​ នៅ​ចំពោះមុខ​តម្រូវ​ការ​បន្ទាន់​អ្នក​គ្រប់គ្រង​មណ្ឌល​ត្រូវ​ការ​ថវិកា​បង្គ្រប់​យក​មក​សាងសង់​ជម្រកថ្មី​សម្រាប់​កុមារ​ទាំងពីរ​ភេទ ខណៈ​កន្លែង​ស្នាក់ចាស់​ប្រឈម​នឹង​សភាពចាស់​ទ្រុឌទ្រោម។​