Die Universiteit van Johannesburg se Sentrum vir Maatskaplike Ontwikkeling in Afrika het bevind dat werkskeppingsprogramme wel jongmense help om werk kry. Dit word as bemoedigend beskou, veral gesien in die lig van die onlangse inkrimping van die ekonomie. Metzi van der Merwe doen verslag.

Identiteitsbedrog deur middel van E-posse het vanjaar met 62 persent toegeneem. Dit is die bevindings vervat in die maatskappy Mimecast se jongste kuber sekuriteitsverslag. Heino Gevers van Mimecast sê 88 persent van die respondente wat aan die navorsing deelgeneem het, het aangedui dat hulle inligting al op 'n slinkse manier in die kuberruim gesteel is..

Geoloë het die grootste ondersese vulkaan naby die eiland Mayotte in die Indiese Oseaan gevind. Die deursnit van die vulkaan is sowat 5 kilometer. In November verlede jaar was daar seismiese aktiwiteit in die omgewing en nou glo wetenskaplikes dit was die geboorte van die ondersese vulkaan. Jean Esterhuizen doen verslag.

KOOL GAS 07:14 MONITOR 28 5 2019

[TAKE PKG
INCUE: DIE BELASTING IS
OUTCUE: TE KAN IMPLEMENTEER
DURATION:5'41"]

[]

INTRO = 'n Koolstof-belasting sal van 1 Junie gehef word. President Cyril Ramaphosa het die wetgewing Sondag onderteken. Dit maak Suid-Afrika een van 40 lande wat 'n koolstofprys-program aanvaar het. 'n Klimaatsveranderingskonsultant wat die regering raad gegee het met die skryf van die wetgewing, Roelof van Huysteen, van die maatskappy, Promethium Carbon, s^e die belasting word reeds sedert 2010 in Suid-Afrika voorsien.

OUTRO: Roelof van Huysteen, 'n klimaatveranderings konsultant by Promethium Carbon het met Metzi van der Merwe gepraat.

Metzi van der Merwe mon 27 5 2019

Die Inxuba Yethemba Munisipaliteit in die Oos-Kaap het onlangs 'n kennisgewing van Eskom ontvang dat massa-kragonderbrekings vanaf 4 Junie toegepas sal word, indien die munisipaliteit nie sy betalings-ooreenkoms met die kragreus nakom nie. Die munisipaliteit, wat die dorpe Cradock en Middelburg insluit, skuld Eskom reeds sowat 98-miljoen rand. Die Inxuba Yethemba Munisipale bestuurder, Xolela Msweli, sê die munisipaliteit het reeds voordat die kennisgewing uitgereik is, met Eskom vergader om die saak te bespreek.

Ons eerste stel ondersoek in na ons boere se gereedheid om die legio geleenthede in die internasionale landboumark te ontgin. Die regering se 5-jaar landbousektorplan kom ook onder die vergrootglas.

Wanneer hedendaagse kliënte finansiële instellings evalueer, vergelyk hulle nie meer verskillende banke nie, hulle vergelyk ervarings. Alles in hul lewe as verbruikers is beter as ooit, die inligting is onmiddelik beskikbaar en hulle slim digitale dienste wat hulle daagliks gebruik word deur hul slimfoon afgelewer. Die bespreking van 'n vlug, die beplanning van 'n vakansie, inkopies aanlyn - dit is alles maklik, vinnig en naatloos. Maar wat is die toekoms van banke, met al die nuwe digitale banke wat uitskiet en sekere dienste byna gratis dienste lewer? Vanoggend praat ons met die hoof- ekonoom van die Efficient Group, Dawie Roodt....

Tanzanië het die gebruik van plastieksakke vanaf 1 Junie verban. Die land het ook reisigers gewaarsku dat plastieksakke nie vanaf 1 Junie die land binnegelaat sal word nie. Wêreldwyd het plastiekproduksie die afgelope 50 jaar van 15 miljoen ton tot 348 miljoen ton gestyg. Daar word geskat dat 13 000 stukkies plastiekrommel in elke vierkante kilometer van die see gevind kan word. Suid-Afrikaners is ook skuldig, en gebruik byna 'n 140 kilogram plastiek per persoon per jaar, waarvan net minder as die helfte herwin word, sê 'n Navorsings-professor verbonde aan die Universiteit van Noordwes, Henk Bouwman...

Die Antarktiese yslaag is ONSTABIEL, volgens Britse en NOORSE wetenskaplikes wat 25 jaar se satteliet data bestudeer het. Die gevolge hiervan kan KATASTROFIES wees vir die mensdom. By my in die ateljee vanoggend is die klimatoloog, professor Francois Engelbrecht van WITS universiteit om daaroor te praat:

Baie plattelandse dorpies het hulle bestaan te danke aan die landboubedrywighede in die gebied. Maar wat is die landbousektor se verantwoordelikheid om te verseker dat die ekonomie in die dorpe bly groei? Dis een van die vrae wat ons in die uitsending gevra het. Ons kyk ook na die kwaliteit van ons graanprodukte en ons vind uit of agri-toerisme sterk staan.