Erla er að gera smá ,,tilraun" á sjálfri sér þessa dagana. Hún er að breyta til í mataræði sínu og borða eins og ráðlagt er fyrir íþróttakonur á besta aldri (sem eru að lyfta þungt). Þetta er frábrugðið því mataræði sem hún hefur tamið sér hingað til og talið vera æskilegt fyrir góða heilsu.  

Það er nauðsynlegt að gera tilraunir að sjálfum sér og prófa sig áfram því að það er ekki það sama sem hentar öllum. 

Við berum ábyrgð á eigin heilsu og það er því mikilvægt að læra að þekkja góðar upplýsingar og ráðleggingar frá öllu bullinu sem er í umferð. 

Það er mikilvægt að hlusta á líkamann, innsæið og skynsemina. 

Hvað er líkaminn að segja okkur? Erum við þreytt eða slöpp? Getur það verið vegna þess hvernig ég er að gera eitthvað sem hefur þessi neikvæðu áhrif á heilsuna mína? Er ég kannski að sofa allt of lítið? Er ég ekki að hitta fólk/vini? Er ég að borða rusl? Er ég að hreyfa mig of lítið eða of mikið? 

Fylgdu HeilsuErlu á Instagram!