ថ្ងៃព្រហស្បតិ៍ ទី១៣ ខែមករា ស្ថានទូតបារាំងនៅភ្នំពេញ បានរៀបចំពិធីស្វាគមន៍និស្សិតពេទ្យកម្ពុជា ចំនួន៧៩នាក់ ដែលបញ្ចប់កម្មសិក្សានៅបារាំង។ ក្នុងឱកាសនេះ លោកឯកអគ្គរដ្ឋទូតបារាំង យល់ថា«ជាការប្រសើរណាស់ដែលនិស្សិតខ្មែរ ទៅរៀនយកចំណេះដឹងពីបារាំង ហើយយកមកបម្រើប្រទេសជាតិរបស់ខ្លួនវិញ។» បណ្តានិស្សិតពេទ្យពេញចិត្តដែលបានសិក្សាឈ្វេងយល់ និងដកយកបទពិសោធនៅប្រទេសដែលមានបច្ចេកវិទ្យាវិទ្យាសាស្ត្រជឿនលឿន។ ទោះបីចង់ឬមិនចង់ ពួកគេប្រឈមនឹងការលំបាកមួយចំនួន នៅពេលត្រឡប់មកដល់ស្រុកវិញ។ ទោះយ៉ាងនេះក្តី ក្រុមគ្រូពេទ្យក្មេងៗទាំងនោះ សង្ឃឹមថា នឹងប្រើចំណេះវិជ្ជាដែលខ្លួនរៀនពីបរទេស ដើម្បីព្យាបាលពលរដ្ឋរបស់ខ្លួន ឲ្យអស់ពីសមត្ថភាព។