La vita da famiglia è da grond'impurtanza per Patricia Cadruvi (34). Fin 20 persunas han plaz a sia maisa-cuschina.Tar ils Cadruvis marscha adina insatge. La famiglia da Patricia cumpiglia trais agens uffants, dus uffants da tgira e l'um Mario. Il pli bel onn da sia vita saja stà cura ch'els hajan bajegià lur chasa. La chasa han els bajegià sezs, almain per gronda part. Els èn sa chasads a Tischinas tranter Ruschein e Glion, a l'ur dal guaud. In pitschen paradis per pitschen e grond.