Eng garantéiert chrëschtdagsfräi Episod um 1. Advent! Mat dobäi si vill Leit, vun deene mir Fan sinn: eis Nolauschterer, d'No Angels, de Banksy vu Keel an den Dieter Bohlen featuring Thomas Mann. Dir wëllt tonneweis Z-Promis, dei garantéiert déifgrënnegst Songtexter an Tipps fir erfollegräicht Starstalking? Say no more and listen to PAUS.

Nee, et ass net nëmmen eng Folleg iwwer Amerika. Haut gëtt et net-enttäuschende Schampes, medial Ofgrënn aus den 2000er an de Wendler. Plus: d'Emily in Paris, zwee Sashas an ee geféierleche Rod Stewart esouwéi nei erfonnte Riedensaarten an Traumatesches vum FKK. #DenDéngensass #egal #ToxicMasculennyty #PausamSonntag

Wat ass dat Eenzegt, wat méi grujeleg ass ewéi Halloween an d'Joer 2020 zesummen? Genee: d'Moud aus de fréien 2000er. Also paakt de Strass-Sonnebrëll aus, geheit den extra klénge Schal em den Hals an zitt den "Zicke"-T-Shirt eng Kéier riet, well et ass Zäit fir Horror! Nieft moudesche Faux-Pas an ënnerschätztenen Trends gëtt et och nach Poledance, eise Bandnumm an Avantgardismus an der Primaireschoul. Ausserdeem hu mir fir iech an eis mini Posch gepaakt: de lëtzebuergesche Numm fir Ingwer, d'Zukunftspläng vum Yäkz an Erregung öffentlichen Ärgernisses beim Beetebuerger Park. Stop being poor a vill Spaass bei PAUS.

DISCLAIMER: Et ass am Fong eng Episod iwwer d'J.Lo.

Et gëtt kal, naass an ongemittlech – an et ass och nach 2020! Mat enger extra laanger Folge vum Bildungspodcast äres Vertrauens ass och dës Joreszäit kee Probleem. Fänkt eng Käerz un, huelt d'Decken an d'Taass Téi eraus a prost mat eis op e glamouréisen Hierscht! The girls and the gays, Hollänner am Taj Mahal, Kantinnevibes am Restaurant a Game of Thrones an der Galerie Lafayette si mat dobäi. Et erwaarden iech och nach d'philosophescht Quartett mam Hei Elei a weider Highlights aus der Postkart-Welt. Wat huet d'Sommerhaus der Stars mat antiker Mythologie ze dinn? Wei eng Gemeinsamkeeten ginn et tëscht Drag Race an der Frauenquote? Ween ass de Yäkz wei vill Shoutouts packe mer des Kéier? Soit, egal: Bang Voyage!

Mir sti mat der Ironie-Sireen am Duerchzuch a ginn erëm Tipps, dass et kraacht: Vu Kamellen-Outlets iwwer Old School Musekpiraterie a gratis innovativ Geschäftsiddien ass nees alles dobäi. Och eng "Action"-Libeserklärung, en Appel un d'Museksindustrie a Soundeffekter fir aarm Leit stinn haut um Programm. Fir eng extra Portioun "utz utz utz" ass gesuergt an et gëtt en Enthüllungsbericht iwwer Sekten am Minett. Ass et vläicht e Feeler, dës Episod ze lauschteren? Héchstwarscheinlech.

TRIGGER-WARNUNG: Leit mat Angscht viru Musek a Gesang sollten dës Episod iwwersprangen. Haut geet et ënner anerem em dem Jill séng nei Karriär dem Yannick säin Tommi-Schmitt-Trauma an e Sandwich-Lidd. Mir sinn och elo de Pressekonferenzpodcast an diskutéieren aktuell Gender-Kontroversen. Plus: Ironie-Sireenen, Vëlofuerer mat Alu-Helm, d'Cher, de Louis de Funès a woke Sitcom-Tipps.

Mir paken eis Wallis a mir huele matt... d'Von Nassaus op de Kanaren, Mendes-Flashbacks an Dschungelcamp-würdeg Backpack-Trips. Mat am Gepäck sinn och e gewëssene Granzlevel wéinst Vakanzemangel (ee vun eis) an de Versuch, eng national Institutioun ze bestiechen (deen aneren) souwéi déi schlëmmste Matratzen an déi schéinst Aussiichten.

Et ass nach ëmmer August a nawell leeft iwwerhaapt näischt. Dofir gëtt et haut en erfrëschende Cocktail aus e bëssen 80er, Maccaroni am Dëppen, enger gudder Prise Koks, e puer Ohrwürmer, geféierlechem nostalgeschen Iessen an enger Grëtz Trash-TV. Enjoy chilled!

Den August ass dëst Joer zwar héichsummerlech, mee nach méi ereignislos wéi soss. Dir braucht Beschäftegung? Say no more! Mir hu Brochlandungen am Fernsee an an der Zeitung fir iech, de neisten Dior-Parfum, eist Lieblingsalpaka, e Kaddo vum Beyoncé, Psychoterror a Realitéitsverloscht. Also alles wéi ëmmer. #crèmtiechan #dotärMaskun #maachtengPaus

Endlech aus der Datz eraus: PAUS. feiert seng 30(st Episod)!!! Dofir hu mir eis eng national TV-Koryphäe invitéiert, déi hire Besuch ab der éischter Minutt bereit huet. Mir schwätzen iwwer Hollänner, Schëllerpolster an Immobilien. Stréckt iech un fir e Galopp duerch d’Film- a Fernsehlandschaft mat Autosaccidenter, Verwirrungen em d’“Sunlicht“-Affär a ville knusprege Geschichten.