អាការៈ​អូទីហ្សឹម(Autism) កំពុង​ក្លាយ​ជា​កង្វល់​សម្រាប់​ឪពុក​ម្ដាយ​គ្រប់រូប​នៅ​កម្ពុជា និង​និយាយ​ដោយឡែក​សម្រាប់​ឪពុក​ម្ដាយ​ដែល​មាន​កើត​អូទីហ្សឹម​រួច​ទៅ​ហើយ។ សម្រាប់​អ្នក​ដែល​មាន​កូន​កើត​អូទីហ្សឹមអ្នក​ជំនាញ​ផ្នែក​នេះ​លើក​ទឹក​ចិត្ត​ឲ្យ​ឪពុក-ម្ដាយ ងើប​ឈរ​ឡើង​ប្រែ​ក្លាយ​វិបត្តិ​ទៅ​ជា​ឱកាស​ប្រសើរ​ជាងគេច​វេស​ពី​ការ​ពិត​និង​បន្ទោស​លើ​ព្រហ្មលិខិត។ ចំណែក​ឪពុកម្ដាយ​ដែល​មិន​ទាន់​មាន​កូន​កើត​អាការៈ​អូទីហ្សឹម ត្រូវ​តែ​ចំណាយ​ពេល​វេលា​នៅ​ជាមួយ​កូន​ឲ្យ​បាន​ច្រើន​តាម​ដែល​អាច​ធ្វើ​ទៅ​បាន និង​តាម​ដាន​ការវិវត្តន៍​របស់​កូន​ឲ្យ​បាន​ជាប់​លាប់។