បុរស​វ័យ​ចំណាស់​ម្នាក់​ដែល​អះអាង​ថា​ខ្លួន​ជា​ពលរដ្ឋខ្មែរ​ បច្ចុប្បន្ន​កំពុងរស់នៅ​​លើផ្ទៃទឹក​​ក្នុងចំណត​បណ្តោះ​​អាសន្ន​នៅ​ខណ្ឌ​ព្រែកព្នៅ​​នៃ​រាជធានីភ្នំពេញ ត្អូញត្អែរ​ពី​ការ​រស់នៅ​រសាត់​អណ្តែត​លើ​ទូក​បណ្តែត​ទឹក​ជាមួយ​នឹង​ទូក​រាប់រយ​ផ្សេង​ទៀត​ដែល​ភាគច្រើន​របស់​ជនជាតិ​វៀតណាម​។ ដោយសារ​កូនៗ​មិន​អាច​ឡើង​ដី​គោក​ធ្វើ​ជា​កម្មករ​គេ​បាន​ លោក​បាន​សម្រេច​លក់​សម្ភារៈ​សម្រាប់​ទុក​បង់​ត្រី​ប្រចាំ​ថ្ងៃ​។ ដោយសារ​ក្រ​ខ្សត់​ពេក ​លោក​បាន​ដាច់​ចិត្ត​ហារ​មាត់​សុំ​ជំនួយ​បន្តិច​បន្តួច​ពី​សមាគមន៍​វៀតណាម​ដែល​ជា​រឿយៗ​ផ្តល់ ​ដល់ពលរដ្ឋ​ខ្លួន​ដែល​រស់នៅ​ក្នុង​​​ចំណត​បណ្តោះ​អាសន្ន​ផ្ទះ​បណ្តែត​ទឹក​នោះ​។ លោក​បាន​ត្រឹម​ពាក្យ​ត្រឡប់​វិញ​ថា​ ខាងខ្មែរឲ្យខ្មែរគេដោះស្រាយ វៀតណាមដោះស្រាយតែពលរដ្ឋ​គេទេ។