ទីតាំង​សាធារណៈ ​និងទី​ប្រជុំជន​ក្នុងរាជធានី​ភ្នំពេញបា​នចាប់ផ្តើម​ពិនិត្យ​បណ្ណចាក់វ៉ាក់សាំង​កូវីដ១៩ ​មុនពេល​អនុញ្ញាត​ឲ្យ​ពលរដ្ឋ​ ចូលទៅ​កាន់​ទីតាំង​ទាំងនោះ។​ ពីផ្សារ​ធំថ្មី ​សន្តិសុខ​បានចាប់ផ្តើម​សួររក​បណ្ណចាក់វ៉ាក់សាំង​ពីអាជីវករ ​និងអតិថិជន​ជាបន្តបន្ទាប់ ​ដើម្បីធានាថា ​ពួកគេបាន​ចាក់វ៉ាក់​សាំងកូវីដ​១៩រួចរាល់​។ ​យ៉ាង​ណា​ក៏​ដោយ យន្តការ​ការពារ​ដូច្នេះ មិន​ទាន់​ជួយ​ឲ្យ​អាជីវករ​រកចំណូល​បាន​ច្រើន​ឡើង​នៅ​ឡើយ​ទេ​ ដោយដ្បិតថា​ ពលរដ្ឋ​នៅមិនទាន់​ចាយវាយបាន​ទូលាយ​វិញនៅឡើយ។​