ក្នុង​រយៈពេល​តែ​៣សប្តាហ៍ ក្រុមហ៊ុន​ផលិតឱសថ​ Pfizer Moderna និង Astra Zeneca បាន​បង្ហាញ​ជាបន្តបន្ទាប់គ្នា ពី​ប្រសិទ្ធិភាព​ខ្ពស់​របស់​វ៉ាក់សាំង​ចំនួន ៣ ដែល​ក្រុមហ៊ុន​បាន​ស្រាវជ្រាវ​សម្រាប់​បង្ការជំងឺកូវីដ។ រហូតមកដល់​ពេលនេះ គេ​លឺ​ពាក្យ​ប្រសិទ្ធិភាព​របស់​វ៉ាក់សាំង​ចេញតែ​ពីមាត់​របស់​ក្រុមហ៊ុន​ផលិត​ឱសថតែ​ប៉ុណ្ណោះ ពោល​គឺនៅ​មិនទាន់​មាន​ស្ថាប័ន​ឯករាជ្យ​ណាមួយ​ចេញមុខ​បញ្ជាក់​ប្រសិទ្ធិភាព​របស់​វា​នោះទេ។ តើ​គេគួរ​ទុកចិត្ត យល់​ព្រម​ទទួល​ចាក់វ៉ាក់សាំង បង្ការ​កូវីដ ដែល​អភិវឌ្ឍ នៅក្នុង​រយៈពេល​ដ៏ខ្លី មិនធ្លាប់​មាន​ពីមុន​មក ដែរឬទេ? នៅប្រទេស​បារាំង ស្រ្តីនិង​បុរស​ខ្មែរ​ពីរនាក់ រួមទាំង​វេជ្ជបណ្ឌិត ឡោ គីមសុង គ្រូពេទ្យ​ជំងឺទូទៅ ឯកទេស​ជំងឺ​នៅប្រទេសក្តៅ បាន​បញ្ចេញ​យោបល់​របស់ខ្លួន នៅក្នុង​បទយកការណ៍​របស់​ឈាង បុប្ផា។