បិទសាលារៀន និង​ជំរុញ​ឲ្យ​មនុស្ស​ធ្វើការពីផ្ទះ នេះជា​វិធានការ​របស់​រដ្ឋាភិបាល​បារាំង ដើម្បី ទប់ស្កាត់​ការឆ្លងរីករាល​មេរោគកូរ៉ូណា ក្នុង​ចំណោម​ប្រជាជន។ ត្រូវគេ​ហាម​មិន​ឲ្យ​ចេញ​ក្រៅផ្ទះ បើសិន​មិន​ចាំបាច់ និង​ត្រូវ​បង្រៀន ធ្វើលំហាត់​ជាមួយ​កូនៗ ដែល​មិនបានទៅរៀន ដោយសារ​សាលារៀនបិទទ្វារ តើ បុគ្គលិក​ដែល​ត្រូវ​ចាប់តម្រូវ​ឲ្យ​ធ្វើការ​ពីផ្ទះ កំពុង​ស្ថិតក្នុង​សភាពបែបណា? នៅក្នុង​បទយកការណ៍​នៅថ្ងៃ​សុក្រនេះ ឈាង​បុប្ផា​លើកយក​ករណី សក្ខីកម្ម​របស់​អ្នករស់នៅ​ក្នុងទីក្រុង​ប៉ារីស​ម្នាក់ ដែល​ឆ្លើយតប​គ្រប់ចំណុច​ខាងលើ។ លោកស្រី សុវណ្ណារី ស្តេលី ជាបុគ្គលិក បម្រើការ​ក្នុង​ក្រុមហ៊ុន​ឯកជន​មួយ ក្នុង​ទីក្រុង​ប៉ារីស នឹង​រៀបរាប់​ជូនលោកអ្នកនាង​បានដឹងថា តើអ្វីទៅ ការរស់នៅក្នុង​ផ្ទះ មិនអាច​ចេញទៅក្រៅ ដោយសារ​តែ​ មេរោគរាតត្បាត​ ​កូរ៉ាណា។