ចាប់​ពី​ថ្ងៃ​១​រោច​ខែ​អស្សុជ ​រហូត​ដល់​ថ្ងៃ​១៥​កើត​ខែ​កត្តិក​នេះ ​គឺ​ជា​រយៈកាល​២៩​ថ្ងៃ​នៃ​បុណ្យ​កឋិនទាន​ ឬ​គេ​ហៅថា​ កឋិនកាល​។ នៅ​ក្នុង​រយៈពេល​២៩​ថ្ងៃ​នេះ​ ពុទ្ធបរិស័ទ​ខ្មែរ​បាន​នឹង​កំពុង​ជាវ​គ្រឿង​រណ្តាប់​កឋិនទាន​ ដើម្បី​ហែ​ប្រគេន​ដល់​ព្រះសង្ឃ​ ដែល​គង់​ចាំ​ព្រះវស្សា​អស់​ត្រីមាស​រយៈ​ពេល​៣ខែ​។ យ៉ាងណាក្តី​ ទោះ​បី​ជា​ត្រូវ​ប្រឈម​នឹង​វិបត្តិ​នៃ​ជំងឺ​កូវីដ​១៩​ក្តី ​តែ​ការ​លក់​សម្ភារៈ​កឋិន​ទាន​នៅ​តែ​លក់​ដាច់​ជា​ហូហែរ​ ចំណែក​ឯ​ពុទ្ធបរិស័ទ​វិញ​ ក៏នាំ​គ្នា​ទៅ​ជាវ​គ្រឿង​រណ្តាប់​កឋិន​ឥត​ដាច់​ផង​ដែរ ​នៅ​ក្នុង​រយៈពេល​ប៉ុន្មាន​ថ្ងៃ​មក​នេះ​។