នៅយប់​ថ្ងៃ​សុក្រ ទី​១៣​វិច្ឆិកា នេះ ជា​ពេលវេលា​ដែល​ក្រុមសៀក​របស់​ក្រុមហ៊ុន​ហ្វារ Circus ត្រូវ​ឡើង​សំដែង នៅ ទីក្រុង​ផ្លាញ៉ាក់ ក្បែរ​ខេត្ត​ទូលូស ភាគខាងត្បូង​ប្រទេស​បារាំង។ ប៉ុន្តែ ជា​អកុសល គ្មាន​ទេ​ការសំដែង​ទស្សនីយភាព មាស ស របស់​Phare Circus ព្រោះថា បារាំង​បាន​ចាត់វិធានការ​បិទទីក្រុង​ជាលើកទី២ ដោយសារតែ រលករាតត្បាត ​សាជាថ្មី នៃ​ជំងឺកូវី ១៩។ ក្រោយ​ពី​បាន​ទៅ ហាត់សម ជាង​១សប្តាហ៍ នៅ ប្រទេស​បារាំង ដើម្បី ត្រៀមការសំដែង សិល្បករ និង​បុគ្គលិក​របស់​Phare Circus សរុប​១៤នាក់ ក៏​ត្រូវ​ធ្វើ​ដំណើរមក​កម្ពុជា វិញ កាលពី ថ្ងៃ​ចន្ទ​ដើម​សប្តាហ៍នេះ។ ​