កសិករ​ប្រុសស្រី​មួយ​ចំនួន​រស់នៅ​បណ្ដោយ​ស្ទឹងសែន​បាន​បង្ហាញ​ទឹក​មុខ​រីករាយ​ដោយ​លើក​ឡើង​ថា​ តម្លៃ​ស្រូវ​នៅ​ចុង​រដូវ​ឆ្នាំ​នេះ​ ហក់​ស្ទុះ​ឡើង​ខ្ពស់​ក្នុង​តម្លៃ​ជិត​១០០០​រៀល​ក្នុង​១​គីឡូក្រាម​ មិន​ធ្លាប់​មាន​ឡើយ​ ក្នុង​រយៈពេល​៥ឆ្នាំ​ក្រោយ​នេះ​ ។ ក្នុងនោះ​ស្រូវ​ប្រមាណ​ជា​២០​ម៉ឺន​តោន​ត្រូវ​បាន​លក់​ចេញ​រាប់​ចាប់​តាំង​ពី​ដើម​រដូវ​ដល់​ចុង​រដូវ​នេះ​។​ មែនទែន​ទៅ​បើ​តាម​កសិករ​ ពួក​គាត់​ធ្វើ​ស្រូវ​ទាំង​ប្រថុយ​ប្រថាន​ដោយ​មិន​នឹក​ស្មាន​ឡើយ​ថា​ តម្លៃ​ស្រូវ​ហក់​ឡើង​ខ្ពស់​បែប​នេះ​។  តែ​យ៉ាងណា​ក៏​ដោយ​តម្លៃ​ស្រូវ​នៅ​ឆ្នាំ​នេះ​ បាន​ក្លាយ​ជា​កម្លាំង​ចិត្ត​សម្រាប់​កសិករ​ដូច​ពួកគាត់​ធ្វើ​ស្រូវ​បន្ត​ទៀត​នៅ​ឆ្នាំក្រោយ​។