បិទហាង ដោយសារ​តែ​វិបត្តិ​កូវីដ។ នេះជា​បញ្ហា​ដែល​អ្នកជំនួញ ជាច្រើន​កំពុង​ជួបរងគ្រោះ​នៅក្នុង​កាលៈទេសៈ​ដែល​ប្រទេស​កំពុងជួបប្រឈម​ជំងឺរាតត្បាត​កូវីដ។ នៅទីក្រុង​ប៉ារីស មេចុងភៅ​ខ្មែរ​វ័យក្មេង ចាន់ បញ្ញា ក៏ត្រូវ​បិទទ្វារភោជនីយដ្ឋាន​របស់​ខ្លួនដែរ ដោយសារ​តែ​កូវីដ។ ប៉ុន្តែ សម្រាប់​មេចុងភៅវ័យក្មេង ដែលទទួល​បាន​ការបណ្តុះបណ្តាល និង​ជំនាញ​ច្បាស់លាស់​ខាង ធ្វើម្ហូប នៅ​ប្រទេស​បារាំង ការបិទហាង​ដោយសារ​តែ​កូវីដ ក៏អាច​ជា​ឱកាស​មួយ ដែល​ធ្វើ​ឲ្យ​គេ​អាច​បោះមួយជំហាន​ទៅមុខ ដើម្បី ពង្រីកមុខរបរ។ បញ្ញា ជា​មេចុងភៅខ្មែរវ័យក្មេង​ដែល​កោតសរសើរគុណភាព​ និង​របៀបវិន័យធ្វើការ​របស់​មេចុងភៅបារាំង។ ឈាង បុប្ផា​បានជួបសម្ភាសន៍​ចាន់ បញ្ញា នៅពេល​កំពុងរើ ហាង​របស់​ខ្លួន នៅ​ក្នុង​ទីក្រុង​ប៉ារីស។