ពីរ​មុន​ថ្ងៃ​នៃ​ការ​ប្រារព្ធ​ខួប​៤​ឆ្នាំ​នៃ​ការ​បាញ់​សម្លាប់​លោក​បណ្ឌិត​ កែម ឡី  ​អ្នក​វិភាគ​នយោបាយ​និង​សង្គម​ដ៏​ល្បី​ល្បាញ​នៅ​កម្ពុជា​នោះ ​នៅ​ថ្ងៃ​ទី​ ០៨​ កក្កដា​ នេះ​ យុវជន​ និង​ព្រះសង្ឃ​ជា​ច្រើន​អង្គ​ បាន​ទៅ​គោរព​វិញ្ញាណ​ក្ខន្ធ​សព​លោក​បណ្ឌិត​ កែម​ ឡី​ នៅ​មុខ​ហាង​ស្តា​ម៉ាត​ នៃ​ស្ថា​នីយ៍​ប្រេង​ឥន្ទនៈ​កាល់តិច​ស្តុប​បូកគោ ​ប៉ុន្តែ​ត្រូវ​បាន​ហាម​ឃាត់​។ ​យ៉ាង​ណា​ក្តី​ ការ​គោរព​វិញ្ញាណ​ក្ខន្ធ​នេះ ​គឺ​មុន​ពេល​យុវជន​ និង​ព្រះ​សង្ឃ​ទាំង​នោះ ​ចាប់​ផ្តើម​ដើរ​ហែ​ក្បួន​ទៅ​កាន់​ស្រុក​កំណើត​របស់​លោក​ កែម ឡី ​ដែល​ស្ថិត​នៅ​ក្នុង​ស្រុក​ត្រាំ​កក់​ ខេត្ត​តាកែវ។ ​បើ​តាម​យុវជន​ ពួក​គេ​នៅ​តែ​ចង​ចាំ​ចំពោះ​ស្នាដៃ​និង​វីរ​ភាព​របស់​លោក​បណ្ឌិត​ កែម ឡី​ ជានិច្ច។​