មិនមែន​មាន​តែ​បុរស​នោះ​ទេ​ ដែល​ធ្វើ​ការងារ​ជា​មន្ត្រី​អនុរក្ស​ធនធាន​ធម្មជាតិ​នៅ​ក្នុង​ប្រទេស​កម្ពុជា​ ក្នុង​នោះ​ក៏​មាន​ស្ត្រី​ផង​ដែរ​។ ក្នុង​ចំណោម​មន្ត្រី​ឧទ្យានុរក្ស​ទាំងអស់​១២០០​នាក់​ ដែល​កំពុង​បំពេញ​ការងារ​នៅ​ក្នុង​តំបន់​ការពារ​ធម្មជាតិ​ក្នុង​ខេត្ត​ចំនួន​២០​នៃ​ប្រទេស​កម្ពុជា​ ក្នុងនោះ​ ក៏​មាន​ស្ត្រី​ជា​មន្ត្រី​ឧទ្យានុរក្ស​ចំនួន​៤២​នាក់​ ដែល​កំពុង​បំពេញ​ការងារ​ ការពារ​និង​អភិរក្ស​ធនធាន​ធម្មជាតិ​នៅ​តាម​តំបន់​ឧទ្យានុរក្ស ​និង​ដែន​ជំរក​សត្វព្រៃ​កម្ពុជា​ចំនួន​២០​ខេត្ត​។ ក្នុងនោះ​ក៏​មាន​កញ្ញា ​ហង្ស មុំរ៉ាវី ​ម្នាក់​ផង​ដែរ​។