ទំនាក់​ទំនង​ស្នេហា​ភេទ​ដូច​គ្នា​និ​ង​ការ​ផ្លាស់​ប្ដូរ​អត្តសញ្ញាណ​យេនឌ័រ ​មិន​បាន​កំណត់​ផ្ដា​ច់​មុខទៅ​លើ​ជាតិ​សាសន៍​ណា​មួយ​ទេ។ ជាក់ស្ដែង កើ ទីម៉ាស់ ដែល​ជា​ខ្មែរ​ឥស្លាម​ម្នាក់ ​បាន​ប្ដូរ​អត្តសញ្ញាណ​យេនឌ័រ​ពី​ស្រ្តី​ទៅ​បុរស​តាំង​ពី​កុមារ​មក​ម្ល៉េះ ​និង​កំពុង​មាន​សម្ព័ន្ធ​មេត្រី​ភាព​ជាមួយ​នារីផងដែរ។ ទីម៉ាស​ក៏​មិន​ខុស​ពី​អ្នក​ដទៃ។ ​និស្ស័យ​ពី​កំណើត​ជា​អ្វី​ដែល​អ្នក​ប្ដូរ​អត្តសញ្ញាណ​យេនឌ័រ​តែង​អះអាង​នៅ​ចំពោះមុខ​ការ​ស្ដី​បន្ទោស​ថា ពួកគេ​បាន​ផ្លាស់​ប្ដូរ​អត្តសញ្ញាណ​ខ្លួន​ឯង ដោយ​សារ​ការ​ប្រែ​ប្រួល​នៃ​​សង្គម​និង​ទទួល​យក​វប្បធម៌​សង្គម​ខាង​ក្រៅ។