កសិករ​ខេត្ត​ប៉ៃលិន​និង​បាត់​ដំបង​កំពុង​រីក​មុខ​រីកមាត់ បន្ទាប់​ពី​វិបត្តិ​តាង៉ែន​គ្មាន​ទីផ្សារ ត្រូវ​បាន​ដោះស្រាយ​តាមរយៈ​ការ​ប្រមូល​ទិញ​ពី​លោកនាយករដ្ឋមន្រី្ត ហ៊ុន សែន ឧកញ៉ាគ្រាក់ៗ និង​វិស័យ​ឯកជន​ជាដើម។ កសិករ​ស្វាគមន៍​ចំពោះ​បទ​អន្តរាគមន៍​ទាន់​ពេល​វេលា​ក្នុង​ការ​ប្រមូល​ទិញ​តាង៉ែន នៅ​គ្រា​ដែលការ​នាំ​ចេញ​ទៅ​ថៃ​មិន​អាច​ធ្វើ​បាន អំឡុង​ពេល​បិទ​ព្រំដែន​ដោយ​សារ​កូវីដ១៩។ មួយ​គីឡូ​២​ពាន់​រៀល ជា​តម្លៃ​ទទួល​ទិញ​នៅ​នឹងកន្លែង។ តែ​ចំពោះ​កសិករ​ខ្លះ​ដែល​ប្រឈម​នឹង​ការ​ខាតបង់​រួច​ទៅ​ហើយ ពួកគេមើល​ឃើញ​ថា នេះ​គ្រាន់​តែ​ដំណោះ​ស្រាយ​រយៈ​ពេល​ខ្លី​ទេ។ សម្រាប់​ពួកគេ ដំណោះ​ស្រាយ​មាន​ប្រសិទ្ធភាព​និង​យូរ​អង្វែង គឺ​រដ្ឋ​គួរ​មាន​កន្លែង​កែ​ច្នៃ​ផលិត​កសិកម្ម​ដែល​គ្មាន​ទីផ្សារ​នាំ​ចេញ​ដូច​តាង៉ែន​នា​ពេលនេះ។