កត្តា​ជីវភាព​បាន​បង្ខំ​ឲ្យ​ស្ត្រី​ឃ្លាត​ពី​កូន​តូច​ទាំង​បាត​ជើង​ក្រហម។ នេះ​ជា​ស្ថាន​ភាព​ពិត​ដែល​​ស្ត្រី​មួយ​ចំនួនកំពុង​តែ​ពើប​ប្រទះ​ជា​រៀង​រាល់​ថ្ងៃ​។ ​បញ្ហា​នេះភាគ​ច្រើនត្រូវ​បាន​គេ​សម្គាល់​ឃើញ​ថា ​​កើត​ឡើង​ចំពោះ​​ស្ត្រី​បំរើការងារ​នៅ​ក្នុង​វិស័យ​ឧស្សាហកម្មនិង​សេដ្ឋកិច្ច​ក្រៅប្រព័ន្ធ​ជា​ដើម។ សម្រាប់​ស្ដ្រី​ដែល​មាន​ជីវភាព​លំបាក​ទាំង​នេះ មណ្ឌល​ថែ​ទាំ​កុមារ ឬ​ទារកដ្ឋាន​ផ្ដល់​ដោយ​រដ្ឋ​នៅ​តាម ភូមិ ឃុំ សង្កាត់ ជា​សេក្ដី​ត្រូវ​ការចំបាច់​ដើម្បី​ធានា​ថា កូន​តូច​ៗ​របស់​ពួក​គេ​ទទួល​បាន​ការ​មើល​ថែ​បាន​ដិត​ដល់​និង​ប្រកប​ដោយ​គុណភាព​។