បញ្ហា​កូវីដ​១៩ បាន​ប្រែ​ក្លាយ​ស្ត្រី​ម្នាក់​ឲ្យ​ធ្វើ​ការ​លើស​មុន ដោយ​ត្រូវ​លាត់​ដៃ​អាវ​ដាំ​ស្មៅ​លក់​ ដើម្បី​យក​លុយ​ទៅ​ទិញ​អង្ករ បន្លែ ត្រី សាច់ ដើម្បី​បំពេញ​តម្រូវ​ការ​ក្រពះ។ តែ​យ៉ាង​ការងារ​របស់​គាត់​នេះ បាន​ត្រឹម​បំពេញ​តម្រូវ​ការ​ក្រពះ តែ​មិន​អាច​ដោះ​បំណុល​ដែល​មាន​នៅ​ធនាគារ​បាន​ទេ។ ក្នុង​ស្ថានភាព​ដ៏​លំបាក​ដោយ​សារ​វិបត្តិ​កូវីដ​១៩ ស្ត្រី​រូប​នេះ ថែម​ទាំង​គិត​ចង់​លក់​ដី​និង​ផ្ទះរបស់​ខ្លួន​​ដើម្បី​ដោះ​បំណុល​ធនាគារ​ឲ្យ​រួច​ស្រេច ប៉ុន្តែ​មិន​ដាច់​ចិត្ត​ដោយ​សារ​គ្មាន​កន្លែង​ផ្សេង​សម្រាប់​រស់​នៅ​ក្រៅ​តែ​ពី​ផ្ទះ​មួយ​ខ្នង​ដែល​មាន​សព្វ​ថ្ងៃ​។