វិចិត្រការនី​ម្នាក់បានប្រែក្លាយ​វិបត្តិកូវីដ១៩​ទៅជាឱកាស​ ដោយដាក់តាំង​បង្ហាញ​ផ្ទាំងគំនូរ​បែបអរូបិយ ​ដែលរៀបរាប់​ពីជីវិត​សត្វស្លាប​នៅកម្ពុជា​។​ ការដាក់តាំងពិព័រណ៍​នេះ​ ធ្វើឡើង​ក្នុងវិចិត្រសាល​នៅសណ្ឋាគារ​សូហ្វីតែលភូគីត្រា​រយៈពេល​៣ខែចាប់ពី​ខែឧសភានេះ ​ដល់ថ្ងៃទី០២​ កក្កដា​ ២០២១​ ក្នុងគោលបំណង ​ផ្តល់ឱកាស​សម្រាប់​សិស្ស-​និសិ្សត ​ដែលចង់សិក្សា​ស្វែងយល់​អំពី​សិល្បៈ​បែបសហសម័យ​។​ ពិពរណ៌នេះ​ចូលទស្សនា​ដោយសេរី​ និងមិនគិតថ្លៃ​ តែត្រូវអនុវត្តតាម​វិធានសុខាភិបាល​។​ លោកស្រី​ ឆន ឌីណា​ ដែលជាម្ចាស់ស្នាដៃ​បានលើកឡើងថា​ ប្រសិនបើ​ពលរដ្ឋ​បានចូលទស្សនា​ពិពរណ៌នេះ ​គំនូរអរូបិយ​អំពីជី​វិតសត្វស្លាប​នៅកម្ពុជានេះ ​ពិតជាមានអារម្មណ៍​ថាធូរស្បើយ​ និងកាត់បន្ថ​យភាពតានតឹង​ពីវិបត្តិកូវីដ១៩​។