នាស្ថានភាព​កូវីដ១៩ អ្នកប្រកបរបរ​មួយថ្ងៃ​សម្រាប់​ថ្ងៃមួយដើម្បី​ក្រពះ​ដែលរស់នៅតាមខេត្ត​ចំនួន សម្រេចចិត្ត​នាំគ្នាត្រលប់​ទៅស្រុកកំណើត​វិញ​ ដោយសារពួកគេ​មិនអាច​រកប្រាក់ចំណូល​បានដូចពេលមុន​។​ ផ្ទុយទៅវិញ​ បុរស​ជាអ្នកធាក់ស៊ីក្លូ​មួយរូប​នៅរាជធានី​ភ្នំពេញ លោក ​ជឹម ព្រេច​ បែរជាត្រូវ​បង្ខំចិត្ត​នៅបន្តប្រកប​របរ​ខ្លួនដូចមុន​ដដែល​។​ ធ្វើការទាំង​ប្រថុយប្រថាន​នឹងស្ថានភាព​ឆ្លងរាតត្បាត​ជំងឺ​កូវីដ១៩​នាពេលនេះ​ គឺដើម្បី​បានប្រាក់ឱ្យកូនស្រី​បានបន្តការ​សិក្សា​ដល់សកល​វិទ្យាល័យ​។​