រាប់​ចាប់​តាំង​ពី​ការ​ដាក់​បំរាម​បិទ​ការ​ជួបជុំ​ឬ​ប្រមូល​ផ្ដុំ​មក​ ទម្រង់​សិល្បៈ​បែប​ល្ខោន​បាសាក់​ជួប​បញ្ហា​ជីវភាព​ដូច​ស្ថានភាព​ពលរដ្ឋ​ទូទៅ​ដែរ​។ ជាក់ស្ដែង​គម្រោង​សម្ដែង​នៃ​វង់​ល្ខោន​បាសាក់​ អុល សំអាង ​ប្រមាណ​៦០​កម្មវិធី​ត្រូវ​បាន​ផ្អាក​សម្ដែង​បណ្ដោះ​អាសន្ន​។ អំឡុង​ពេល​ផ្អាក​សម្ដែង​នេះ​ ប្រធាន​ក្រុម​លោក​ អុល សំអាង បាន​ឲ្យ​ដឹង​ថា​ សមាជិក​របស់​ខ្លួន​មួយ​ចំនួន​ក្នុង​ចំណោម​សមាជិក​សរុប​៤០​នាក់​បាន​ងាក​ទៅ​ធ្វើ​សំណង់​ និង​រត់ឌុប​ ជា​បណ្ដោះ​អាសន្ន​។ ប៉ុន្តែ​យ៉ាង​ណា​ក៏​ដោយ​ក្រុម​សម្ដែង​ល្ខោន​បាសាក់​ អុល សំអាង រំពឹង​ថា អ្វីៗ​នឹង​ត្រឡប់​មក​ដូច​មុន​ ខណៈ​ដែល​រដូវកាល​កឋិន​ជិត​មក​ដល់​។