រដ្ឋាភិបាល​កម្ពុជា នៅ​ដើម​ខែ​សីហា​នេះ​ ទើបតែ​បាន​អនុញ្ញាត​ជា​គោលការណ៍ ​អោយ​បើក​ដំណើរការ​ឡើង​វិញ​ នូវ​រោង​ភាពយន្ត​ និង​រោង​សម្តែង​សិល្បៈ​ បន្ទាប់​ពី​បាន​បិទ​ទ្វារ​អស់​រយៈពេល​៤​ខែ​ ដោយសារ​តែ​វិបត្តិ​នៃ​ជំងឺ​កូវីដ​១៩​។ ប៉ុន្តែ​ការ​បើក​ឡើង​វិញ​ គឺ​តម្រូវ​អោយ​គោរព​តាម​គោលការណ៍​ស្តង់ដា​ប្រតិបត្តិ​ SOP​ ដែល​រៀបចំ​ឡើង​ដោយ​ក្រសួង​សុខាភិបាល​ និង​ក្រសួង​វប្បធម៌ ​និង​វិចិត្រសិល្បៈ​ និង​លក្ខខណ្ឌ​តម្រូវ​សុវត្ថិភាព​មួយ​ចំនួន​ទៀត​។