កូវីដ១៩​ មិន​ត្រឹម​តែ​សម្លាប់​ជីវិត​មនុស្ស​លើ​ពិភព​លោក​ប៉ុណ្ណោះ​ទេ តែ​វា​ក៏​បាន​កាត់​ផ្ដាច់​ប្រាក់​ជំនួយបរទេស​មក​កាន់​សាលា​កុមារ​អូទីស្សឹម​កម្ពុជា​ដែរ។ នៅ​ចំពោះ​មុខ​អនាគត​មិន​ប្រាកដ​ប្រជា នាយកគ្រប់គ្រង​សាលា​កុមារ​អូទីស្សឹម​កម្ពុជា​បាន​ទាញ​សញ្ញា​អាសន្ន​ពី​ការ​បិទ​ទ្វារ​ដោយ​ឥត​ព្រៀង​ទុក ប្រសិន បើ​គ្មាន​ជំនួយ។ នៅ​ពេល​នេះ ជំនួយ​ដែល​សាលា​ត្រូវ​ការ​ពី​គ្រប់​តួ​អង្គ​នៅ​ក្នុង​ប្រទេស​រួមមាន៖ រដ្ឋាភិបាល​  វិស័យ​ឯកជន និង​បណ្ដា​សប្បុរសជន​ទាំង​អស់​ជួយ​គ្នា​បន្តិច​ម្នាក់ ដើម្បី​អនាគត​កុមារ​អូទីហ្សឹម​ជាង១០០នាក់។ តិច​ឬ​ច្រើន សាលា​កុមារ​អូទីហ្សឹម ចង់​បាន​ជំនួយ​និង​ការ​យក​ចិត្ត​ទុក​ដាក់ ឲ្យ​ដូច​មន្ទីរពេទ្យគន្ធបុប្ផា​ឬ​មន្ទីរពេទ្យ​កុមារ​អង្គរ​ដែរ ព្រោះ​នេះ​ជា​បេសកម្ម​សង្គ្រោះជីវិត​កុមារ​ដូច​គ្នា។