ខណៈ​ដែល​កូវីដ១៩​ កំពុង​ឆ្លង​រាលដាល​ខ្លាំង​ ខេត្ត​ក្រុង​មួយ​ចំនួន​នៅ​ក្នុង​ប្រទេស​កម្ពុជា​ បាន​ជូន​ដំណឹង​ទៅ​ពលរដ្ឋ​ឲ្យ​សម្រេច​ផ្អាក​ជា​បណ្ដោះអាសន្ន​នូវ​កម្មវិធី​អាពាហ៍ពិពាហ៍​ ជប់លៀង ​និង​ពិធី​ជួបជុំ​ផ្សេងៗ​។ ក្នុង​នោះ​សាម៉ី​ខ្លួន​ដែល​ត្រៀម​រៀបការ​បាន​បង្ហាញ​អារម្មណ៍​ធុញ​ទ្រាន់​នឹង​ស្ថានភាព​នេះ​ ដោយ​ចង់​បោះបង់​ចោល​គម្រោង​រៀបការ​ទៀត​ផង​  ហើយ​អ្នក​ខ្លះ​ទៀត​ខំ​រៀបការ​ទាំង​ត្រដាបត្រដួស​ព្រោះ​ប្រឈម​នឹង​ការ​ខាតបង់​កំរិត​ខ្ពស់​។ ចំណែក​ម្ចាស់​សម្អាងការ​មួយ​កន្លែង​ក្នុង​រាជធានី​ភ្នំពេញ​ឲ្យ​ដឹង​ថា​ រាប់​ចាប់​តាំង​ពី​ព្រឹត្តការណ៍​២០​កុម្ភៈ​មក​ភ្ញៀវ​ដែល​អញ្ជើញ​មក​កក់​បាន​សុំ​លើក​ពេល​វិញ​ប្រមាណ​ជា​២០​រោង​។ គិត​ត្រឹម​រយៈពេល​ដូច​គ្នា​ដែរ​ ម្ចាស់​ចុងភៅ​មួយ​កន្លែង​ ក្នុង​រាធានី​ភ្នំពេញ​ឲ្យ​ដឹង​ថា​ ភ្ញៀវ​ដែល​អញ្ជើញ​មក​កក់​បាន​សុំ​លើក​ពេល​វិញ​ប្រមាណ​ជា​៥០​រោង​។ ដូច្នេះ​ការ​លើក​ពេល​រៀបការ​ក្នុង​បរិបទ​កូវីដ១៩​ ជះ​ផល​ប៉ះពាល់​ដល់​បៀវត្ស​អ្នក​រត់​តុ​ និង​អ្នក​ផាត់​មុខ​។