នៅក្នុងនាទី​ជីវិតជោគជ័យ​របស់វិទ្យុបារាំង​អន្តរជាតិr​fi នាពេលនេះ ​អោ ស្រីពេជ្រ ​សូមណែនាំ​លោកអ្នក​មកស្គាល់ ​លោក គង់ សុវណ្ណ ​អ្នកជំនាញ​ផ្នែកសុវត្ថិភាព​ចរាចរណ៍​នៅកម្ពុជាដែ​លកំពុងបំពេញការងារ​​​ជាមួយ​ស្ថាប័នរដ្ឋ ​និងអង្គការ​ក្រៅរដ្ឋាភិបាល​ជាច្រើន។​ គ្មានបទពិសោធន៍​រៀននៅ​​ប្រទេសក្រៅទេ​ ​និងផ្តើមពី​​​​​​និស្សិតជំនាញ​ផ្នែកគ្រប់គ្រង​ព័ត៌មានវិទ្យា ​លោក គង់​ សុវណ្ណ ​មាន​ការវិវឌ្ឍ​ន៍​ខ្លួន​យ៉ាងលឿនពីអ្នក​​វឹកហាត់ការងារ​ទៅជា​អ្នក​​បច្ចេកទេស​ជំនាញ​ ​ក្នុងវិស័យ​សុខភាពសាធារណៈ​ ផ្នែកសុវត្ថិភាព​ចរាចរណ៍​។​ បច្ចុប្បន្ននេះ​ លោក គង់ សុវណ្ណ​ ទើបត្រូវបាន​តែងតាំង​ជាអ្នកតំណាង​ប្រចាំប្រទេស​នៃអង្គការ​សេវាកម្ម​ប្រតិបត្តិ​កាណាដា​(CESO)​។