នៅ​កម្ពុជា ការ​ប្រើប្រាស់​គ្រឿងញៀន​បាន​ក្លាយ​ជា​ក្ដី​បារម្ភ​សម្រាប់​សង្គម​ទូទៅ និង​និយាយ​ដោយ​ឡែក សម្រាប់​គ្រួសារ​ខ្មែរ។  លោក ហង្ស ប្រសើរ  ជា​អ្នក​ធ្លាប់​ប្រើប្រាស់​គ្រឿងញៀន​កាល​ពី​អតីតកាល ឥឡូវ​នេះ​បាន​ក្លាយជា​អ្នក​អប់រំ​គ្រឿង​ញៀន។ លោក​ពន្យល់​ថា  ការ​សង្គ្រោះ​មនុស្ស ចេញ​ពី​គ្រឿង​ញៀន ​គឺទាមទារ​ពេល​វេលា​និង​ការ​តាំង​ចិត្ត​ពី​សាម៉ី​ខ្លួន។ ដូច្នេះ ដើម្បី​កុំឲ្យ​ខាត​ពេល ប៉ះ​ពាល់​ដល់​សេដ្ឋកិច្ច​គ្រួសារ​និង​សង្គមជាតិ ពលរដ្ឋ​ម្នាក់​ៗ​ត្រូវដាក់​ខ្លួន​ឲ្យ​ឆ្ងាយ​ពី​គ្រឿងញៀន ឬ​កាត់​ផ្ដាច់​ទំនាក់ទំនង​ទាំង​ស្រុង​ពី​បុគ្គល​ដែល​កំពុង​ប្រើប្រាស់​គ្រឿង​ញៀន។