លោក ម៉ៅ ឆន គឺ ជា សកម្មជន​សង្គម ម្នាក់​ដែលគេស្គាល់ លោក​តាម រយៈ ហ្វេស​ប៊ុក ឈ្មោះ​ថា​«លោកមេឃុំ​ចិត្ត​ធម៌»​ និង ជា អ្នក​ចូល​ចិត្ត​ហៅ ទូរ សព្ទ ចូល ក្នុង​កម្ម វិធី​វិទ្យុ​មួយ ចំនួន ដោយ​​លើក​ឡើង ពី បញ្ហា សង្គម នានា ។​ អតីត​ក្មេង​កំព្រា​រូបនេះ​តែង​តែ​ធ្វើ​សកម្មភាព​ជាច្រើន​ដូចជា​ការចុះចែក​សម្ភារៈសិក្សាដល់​សិស្ស​នៅតំបន់​ដាច់​ស្រយាល ចែក​ស្បៀង​អាហារ​ដល់​ជន ទី ទាល់​ក្រ និង​ចូល​រួម​កម្មវិធី​នានា​របស់​អង្គការ​មិនមែន​រដ្ឋាភិបាល រួមទាំង​ការងារ​ស្ម័ក្រ​ចិត្ត​ជា«ពលរដ្ឋ​អ្នកសារ​ព័ត៌មាន»ផងដែរ​។​​ សម្រាប់​បុរស​អាយុ​៣៩​ឆ្នាំ​រូបនេះ​ ជោគជ័យ​របស់​លោក​គឺ​មិន​មែន​ជា​តួនាទី​បុណ្យ​ស័ក្ត ​ឬ​លុយ​កាក់​នោះឡើយ តែ​លោកយល់ថា ជោគ​ជ័យ​របស់​លោក​គឺ​ធ្វើឲ្យ​ខ្លួន​ឯង និង​អ្នក​ដទៃ​ទៀត​សប្បាយ​ចិត្ត​។