នៅក្នុង​នាទីជីវិត​ជោគជ័យ​របស់​វិទ្យុ​បារាំង​អន្តរជាតិRFIនៅពេលនេះ​ អ៊ឹង ប៊ុនថន​ សូមណែនាំលោក​អ្នក​ឲ្យស្គាល់ ​លោក សោម សុធា​ អគ្គនាយកភូមិ​ខ្មែរគ្រុប​។​ ដោយសារតែ​មានគោលដៅ​ថា «មិនធ្វើ​ការឲ្យគេ​អស់មួយជីវិត​» សុធា បានកំណត់​ខ្លួនឯងថា យ៉ាងយូរ​ត្រឹមអាយុ២៩​ឆ្នាំ ខ្លួនត្រូវតែចេញ​ទៅបង្កើ​តអាជីវកម្ម​ដោយ​ខ្លួនឯង។ ក្តីស្រមៃ​នេះបាន​ក្លាយជាពិត! នៅឆ្នាំ​២០១៦ លោកបាន​បង្កើត​ក្រុមហ៊ុនមួយឈ្មោះថា ភូមិខ្មែរ​គ្រុប ដែលមាន​បុត្រ​សម្ព័ន្ធជាច្រើន​ទៀតរួមមាន​ ភូមិពងទាខ្មែរ ​ភូមិកាហ្វេ​ និង​ភូមិមរតក ដែល​ជាវិស័យ​អចលនទ្រព្យ​ កំពុងឈរជើង​នៅខេត្តស្វាយរៀង​។