ថ្មីនៅខេត្តកំពង់ឆ្នាំង​

នៅក្នុងនាទី​ជីវិតជោគជ័យ​របស់វិទ្យុ​បារាំង​អន្តរជាតិ rfi នាពេលនេះ ​អោ ស្រីពេជ្រ ​សូមណែនាំ​មិត្តអ្នកស្តាប់​​មកស្គាល់លោក​អភិបាលខេត្ត​កំពង់ឆ្នាំង​ ស៊ុន សុវណ្ណារិទ្ធ ​ដែលទើបចូលកាន់តំ​​ណែង​កាលពីខែ​មិថុនា ឆ្នាំ​២០២១​។​ ក្នុងរយៈពេល​៧ឆ្នាំ លោកបាន​ផ្លាស់តួនាទី​​ពីអភិបាលរង​មកជាអភិបាលខេត្ត​កំពង់ឆ្នាំង​។​ លោកអភិបាលខេត្ត​ជំនាន់ថ្មីរូបនេះ​ ក្រោមការ​ដឹកនាំខ្លួន​ ប្តេជ្ញាកែប្រែមុខមាត់​ថ្មីនៃ​ខេត្ត​សម្បូរដោយ​តំបន់លិចទឹក​នេះឲ្យ​ទៅជា​ខេត្តនាំមុខ​ផ្នែកកសិកម្ម ​ពិសេសក្នុងវិស័យ​​វារីវប្បកម្ម។ ហើយផ្ទៃទឹ​ក​ដែលធ្លាប់​មាន​​សំណង់ខុសច្បាប់​ភាគច្រើន​របស់ជនជាតិ​វៀតណាម​អណ្តែតពាសពេញនោះ​ នឹងក្លាយទៅជា​តំបន់ទេសចរណ៍​ដ៏ធំនៅ​ក្នុង​ខេត្ត​​កំពង់ឆ្នាំងផងដែរ​។