លោក ផន ផល្លា ​ដែលគេស្គាល់ថា​ជា ប្រធានអង្គការ​មណ្ឌល​កុមារកំព្រា​មែកឈើ ​បានជាសះស្បើយ​ពីវិរុស​កូវីដ១៩កម្រិតធ្ងន់​ បន្ទាប់ពី​បានចូល​ខ្លួនព្យាបាល​រយៈពេល១៤ថ្ងៃ​នៅមណ្ឌលព្យាបាល​ព្រីមមៀរ-សែនសុខ២​។​ បើតាមលោក ផន ផល្លា ​ដំណើរ​ជីវិតដែលគិតថា​ ដើរមកដល់ជ្រោះមរណៈ​ទៅហើយ​ បែរជាត្រូវបា​នក្រុមគ្រូពេទ្យ​ទាញចេញមកវិញ ​តាមរយៈការផ្តល់​កម្លាំងចិត្ត​ជាសំខាន់​ និងថ្នាំសង្កូវ​ជាបន្ទាប់បន្សំ​។​ បុរសវ័យជាង ៣០ឆ្នាំ ដែ​លមានមាឌធំដំបង​ សក់រួញ​បែបសិល្បៈរូបនេះ ​បានឱ្យដឹងថា ​បន្ទាប់ពី​ធ្វើចត្តាឡីស័ក​រយៈពេល១៤ថ្ងៃ​ លោកនឹងត្រឡប់​ទៅដឹកនាំ​អង្គការ ដែល​ជាក្តីសង្ឃឹម​របស់កុមារកំព្រារ​ស់នៅក្នុងមណ្ឌល​មែកឈើ​ប្រមាណជិត​១០០នាក់​ជាបន្តទៀត​។​