នៅ​ក្នុង​នាទី​ជីវិត​ជោគជ័យ របស់​វិទ្យុ​បារាំង​អន្តរជាតិ​នៅ​ថ្ងៃ​នេះ សួង សុខភារី សូមណែនាំ​លោក​អ្នក​ ឲ្យ​បាន​ស្គាល់​ពី​ដំណើរ​ជីវិត របស់​លោក ស៊ីថូ ណាថាន់ ​អ្នក​អត្ថាធិប្បាយ​កីឡា និង​ជា​ប្រធាន​ផ្នែក​កីឡា​របស់​ស្ថានីយ៍​ទូរទស្សន៍ CBS (​CTN,CNC,My TV​)​។ ផ្តើម​ចេញ​ពី​ក្មេង​នៅ​តាម​ជាយ​ដែន លោក​ណាថាន់ បាន​ព្យាយាម​វិវត្ត​ខ្លួន ទៅ​តាម​ឱកាស​ដែល​ទទួល​បាន ពី​ឪពុក​បង្កើត​ គឺ​លោក​ ម៉ា សេរី​។ ប៉ុន្តែ​បើ​តាម​លោក ណាថាន់ ការ​ទទួល​បាន​ឱកាស​តែ​មួយ​មុខ គឺ​មិន​គ្រប់​គ្រាន់​ទេ​ គឺ​ទាល់​តែ​ត្រូវ​ធ្វើការងារ​ដោយ​ក្តី​ស្រលាញ់ ដោយ​មាន​ការ​តស៊ូ ទើប​អាច​ទទួល​បាន​ការ​គាំទ្រ និងទទួល​ស្គាល់​ពី​មហាជន​ជា​ច្រើន​។