នៅក្នុងនាទី​ជីវិតជោគជ័យ​របស់វិទ្យុបារាំង​អន្តរជាតិ ​RFI នៅពេលនេះ ​ហេង សុខនី ​សូមណែនាំ​លោក​អ្នក​ឱ្យ​ស្គាល់លោកស្រី ​ជា រដ្ឋា ​ស្ថាបនិកឃ្មុំ​E-shop​ និងជាអនុប្រធាន​សមាគម​សហគ្រិន​ស្ត្រីកម្ពុជាអាណត្តិទី៤​។​ លោកស្រី​ ជា រដ្ឋាថ្លែងថា​ វិបត្តិកូវីដ១៩​ បានរុញច្រាន​ពាណិជ្ជកម្ម​តាមប្រព័ន្ធ​អេឡិចត្រូនិក​ក្នុងវិស័យ​ឧស្សាហកម្ម៤.០​ ឱ្យមានការរីកលូតលាស់​យ៉ាងឆាប់រហ័ស ​ហើយវាក៏ជាចំណែកមួយ​ក្នុងរបៀបនៃ​ការរស់នៅ​តាមបែបគន្លងថ្មី​ដូចជាការអប់រំ​ត្រូវធ្វើឡើង​តាមអនឡាញ ​ការទិញ-លក់​តាមអនឡាញ ​និងការទំនាក់ទំនង​ជាច្រើនទៀត​ដែលត្រូវធ្វើតាម​អនឡាញដែរ​។​ ស្ថិតក្នុងឱកាសនេះ ​ក្នុងនាម​ជាសហគ្រិនស្រ្តី១រូប​ ដែលស្ថិតក្នុងវិស័យ ​E-commerce ​លោកស្រី​នឹងនាំយកផលិតផល​ក្នុងស្រុក​ទៅកាន់ទីផ្សារ​អន្តរជាតិ​។