ស្ថានភាព​គ្រួសារ​កាន់តែលំបាក​ ក្រោយពេលស្វាមី ​ដែលជាសកម្មជន​បរិស្ថាន ​បន្តជាប់ឃុំ​។ ​នេះជាការលើកឡើង​របស់​លោកស្រី ប៉ាត់ រស្មី ​ជាភរិយាលោក​ ថុន រដ្ឋា ​សកម្មជន​បរិស្ថាន​មាតាធម្មជាតិ​។ ​កាលពីដើមខែឧសភា ​សាលាដំបូង​រាជធានី​ភ្នំពេញបាន​សម្រេច​ផ្ដន្ទាទោស​សកម្មជន​បរិស្ថាន៤នាក់​ ដែលក្នុងនោះ​ក៏មានលោក​ ថុន រដ្ឋា ​ដាក់ពន្ធនាគារ​ចំនួន២០ ខែ ​និងពិន័យ​ជាប្រាក់៤លានរៀល​  ពីបទញុះញង់​បង្កឱ្យមាន​ភាពវឹកវ​រធ្ងន់ធ្ងរ​ដល់សន្តិសុខ​សង្គម​។ ​លោកស្រី ប៉ាត់ រស្មី ​ចង់ឲ្យមានការដោះលែង​ស្វាមី​របស់លោកស្រី​ និងចង់ឲ្យមាន​ការលើកស្ទួយ​អ្នកការពារ​បរិស្ថាន​។