អស់រយៈ​ពេលជិត២ឆ្នាំ​មកហើយ​ដែលជំងឺ​កូវីដ-១៩​ បានបង្អាក់​វត្តមាន​ភ្ញៀវទេសចរ​បរទេស​មិនឱ្យចូល​មកកម្សាន្ត​នៅក្នុងប្រទេស​កម្ពុជា​។ បញ្ហា​អវត្តមាន​ភ្ញៀវទេសចរ​បរទេសនេះ ​បានរុញច្រាន​ឱ្យមគ្គុទេស​ទេសចរណ៍​កម្ពុជា​ជាច្រើន​នាក់បានបាត់បង់​ការងារ​ និងបាន​បង្ខំឱ្យ​ពួកគេ​ចាកចេញ​ពីអាជីព​មួយនេះទៅ​ប្រកប​ការងារ​ផ្សេងៗ ​ក្រោយវិបត្តិ​សេដ្ឋកិច្ច​គ្រួសារ​កំពុងប្រឈម​ខ្លាំង។​ ប៉ុន្តែជា​ការគួរឱ្យ​កត់សម្គាល់​ មគ្គុទេស​ទេសចរណ៍​មួយចំនួន​បានលើកឡើងថា​ ពួកគេបាន​ត្រៀមខ្លួន​រួចរាល់ហើយ ​សម្រាប់ការ​ត្រឡប់ចូល​មកបម្រើកា​រលើវិស័យ​ទេសចរណ៍​មួយនេះ​ឡើងវិញ​ ប្រកបដោយ​ចំណេះដឹង​ ភាសា ​និងក្រមសីលធម៌​។ ​ការលើកឡើងនេះ​ ក្រោយរដ្ឋាភិបាល​កម្ពុជា​គ្រោងបើក​ដំណើរការ​កញ្ចប់​ភ្ញៀវទេសចរ​វ៉ាក់សាំង​ជំហាន​ដំបូង​ដើម្បីស្រោចស្រង់​វិស័យ​សេដ្ឋកិច្ច​ឡើងវិញ​។