ក្នុងស្ថានភាព ​រាតត្បាត​ជំងឺកូវីដ១៩​ មិនថាអ្នកណាឬ​ទីតាំងណានោះទេ ​សុទ្ធតែរង​ផលប៉ះពាល់ ​មិនថាផ្នែកសុខភាព​ ឬផ្នែកហិរញ្ញវត្ថុ​។​ និយាយពី​មជ្ឈមណ្ឌល​បុប្ផាណាវិញ ​បុប្ផាណា​ជាមជ្ឈមណ្ឌល​មួយក្នុងរាជធានី​ភ្នំពេញ ​ដែលតម្កល់​ទុកនូវ​ឯកសារ​ស្រាវជ្រាវ​ផ្នែកវប្បធម៌​ សិល្បៈ ​ប្រវត្តិសាស្រ្តពី​ប្រទេសកម្ពុជា​រាប់ពាន់​ឯកសារ​។​ បច្ចុប្បន្ន​មជ្ឈមណ្ឌល​មួយនេះក៏​កំពុង​រងផលប៉ះពាល់​ធ្ងន់ធ្ងរ​នាផ្នែកហិរញ្ញវត្ថុ​ ដើម្បីផ្គត់ផ្គង់​ការចាយវាយ​របស់ខ្លួន​ជាប្រចាំថ្ងៃ ​ដោយសារតែ​ជំងឺកូវីដ-១៩​ដូចគ្នាដែរ​។​ ក្នុងស្ថានការណ៍​ដ៏លំបាក​មួយនេះ​ មជ្ឈមណ្ឌល​បុប្ផាណា ​គ្មានអ្វីក្រៅពី​ការដង្ហោយហៅ​សប្បុរសជន​ដែលមាន​សណ្តានចិត្ត​ ជួយជាជំនួយ​ ដើម្បីឲ្យ​មជ្ឈមណ្ឌល​មួយនេះអាច​បន្តនិរន្តភាព​ខ្លួនបម្រើ​វិស័យ​វប្បធម៌​ សិល្បៈ ​និងប្រវត្តិសាស្រ្ត​កម្ពុជា​ទៅមុខទៀត​។