ផលវិបាក​សេដ្ឋកិច្ច ដោយសារ​វិធានការ​បិទទីក្រុង ដើម្បី​ទប់ស្កាត់​ជំងឺ​កូវីដ ១៩ កើតមាន​នៅគ្រប់​ក្រុមហ៊ុន គ្រប់វិស័យ។ នៅ​ប្រទេស​បារាំង ម្ចាស់ហាងទំនិញ ក្រុមហ៊ុន ភោជនីយដ្ឋាន បាន​ត្អូញត្អែរ​ពីការខាតបង់ ដោយសារ​តែ​វិធានការ ដាក់​ក្រុង​មនុស្ស​នៅក្នុង​ផ្ទះ របស់​រដ្ឋាភិបាល។ ដើម្បី​ស្រោចស្រង់​សេដ្ឋកិច្ច ដែលធ្លាក់ដុនដាប ខ្លាំង​ដោយសារតែ​វិធានការ​បិទទីក្រុង រដ្ឋាភិបាល​បារាំង​គ្រោង​នឹង​បើក​ទីក្រុង​ឡើងវិញ ចាប់ពីថ្ងៃ​ទី​១១​ឧសភាតទៅ។ ប៉ុន្តែ នៅពេល​សាលារៀន ក្រុមហ៊ុន ហាងទំនិញ ត្រូវ​អនុញ្ញាត​ឲ្យ​បើកទ្វារឡើងវិញ ភោជនីយដ្ឋាន ធំៗ​នឹងត្រូវ​បន្ត​បិទទ្វាររហូត​ដល់​ការសម្រេចថ្មី​របស់​រដ្ឋាភិបាល។