១៧​មេសា ២០២០។ នៅថ្ងៃ​នេះ ខែ​នេះ កាលពី​៤៥មុន គឺ​ជា​ថ្ងៃ​ដែល​កងទ័ព​ខ្មែរក្រហម​បាន​វាយចូលកាន់កាប់ និង​ជំលៀស​ប្រជាជន​ពីទីក្រុង​ភ្នំពេញ។ នៅប្រទេស​បារាំង នៅពេល ពិធី​បុណ្យរំលឹកខួប​នៃ​ការចូលកាន់កាប់​របស់​ពួកខ្មែរក្រហម នៅប្រទេស​កម្ពុជា ត្រូវ​បាន​រៀបចំ​ឡើង​ជារៀងរាល់ឆ្នាំ ដោយ​សមាគម ខ្មែរ ឈ្មោះ បូជវិមាន នៅឆ្នាំ នេះ ដោយសារ​កូវីដ​១៩ ត្រូវ​បាន​អាក់ខាន​ទៅវិញ។ លោក​អូ ចល​ដែល​ជា​ប្រធាន​របស់​សមាគម បូជវិមាន​បាន​អំពាវនាវ​ឲ្យ​ប្រជាជន​ខ្មែរ​ជាទូទៅ អុជធូប ស្មឹងស្មាធ នៅតាម​ផ្ទះ នៅ​ថ្ងៃ​​រំលឹកខួប​៤៥​ឆ្នាំនៃ​ការចូលកាន់កាប់​ទីក្រុង​ភ្នំពេញ​របស់​ពួកខ្មែរក្រហម។