បច្ចេកវិទ្យាកាន់​តែ​ទំនើប សន្ទុះ​នៃ​ការ​ប្រើប្រាស់​ផលិតផល​ថែរក្សា​សុខភាព​និង​សម្រស់​តាម​ការ​ឃោសនា​កំពុង​មាន​ការ​ពេញនិយម​ពី​សំណាក់​ពលរដ្ឋ​ខ្មែរ​ភាគ​ច្រើន។  នេះ​ជា​ការ​សង្កេត​របស់​អ្នក​ជំនាញ​ផ្នែក​សុខភាព​សាធារណៈ។ ទន្ទឹម​គ្នា​នេះ ​អ្នក​ធ្លាប់រង​គ្រោះ​ពី​ការ​ប្រើប្រាស់​ផលិត​ផល​ថែ​រក្សា​សុខភាព និង​សម្រស់ តាម​ការ​អូស​ទាញ​ស្នើ​ឲ្យ​ពលរដ្ឋ​ទូទៅ​ ជាពិសេស​យុវវ័យ​គិតបន្តិច​សិន មុន​នឹង​សម្រេច​ចិត្ត​ប្រើប្រាស់​អ្វីមួយ និង​ជា​ពិសេស បើ​មិន​ចង់​ឲ្យ​ការ​សម្រេច​ចិត្ត​ខុស​មួយ​ថ្ងៃ​ ក្លាយ​ជា​វិប្បដិ​សារីពេញ​មួយ​ជីវិត។