ម៉ាស​ក្រណាត់ ម៉ាស​ក្រម៉ា​បានលេច​មុខ​កាន់តែច្រើន នៅលើ​បណ្តាញ​សង្គម​ហ្វេសប៊ុក។ នៅប្រទេស​បារាំង ប្រជាជន​ខ្មែរ​បាននាំគ្នា ចូលរួម​ដេរម៉ាស ដើម្បីទុកពាក់ ការពារ​កុំ​ឲ្យ​ឆ្លងមេរោគកូវីដ​១៩។ អ្នកខ្លះ បាន​ឆ្លៀត​យក​ក្រមា ផលិតផល​ខ្មែរ ទៅ​ដេរ​ជា​ម៉ាស មិនថា សម្រាប់​ចែកចាយ ដល់​មិត្តភក្តិ ក្រុមគ្រួសារ ឬ​ការលក់ដូរនោះទេ។ ម៉ាសក្រណាត់ ម៉ាស​ក្រមា​ចាប់ផ្តើម​ពេញនិយម បន្ទាប់ពី​រដ្ឋាភិបាល​បារាំង បានសម្រេច តម្រូវ​ឲ្យគេ​ពាក់ម៉ាស នៅបន្ទាប់​ពីការដកវិធានការ​បិទខ្ទប់​មនុស្ស​ក្នុង​ផ្ទះ ដែល​គ្រោង​ធ្វើ នៅថ្ងៃចន្ទ​ទី​១១​ឧសភានេះ។