មន្ទីរ​បរិស្ថាន​រាជធានីភ្នំពេញ​ កាល​ពី​ថ្ងៃ​ទី ​២០ កក្កដា ​ទើប​តែ​បាន​ផ្តល់​ប័ណ្ណ​សរសើរ​ដល់​ម្ចាស់​អាហារដ្ឋាន​ Frank Coffee ដែល​បាន​ប្រើប្រាស់​ផលិតផល​ធម្មជាតិ​ ដូចជា​ ស្លឹក​ឈូក និង​ចាន​ធ្វើ​ពី​ស្រទប​ស្លា ​ដើម្បី​វេច​ខ្ចប់​អាហារ​របស់​ខ្លួន​ ជំនួស​អោយ​ការ​ប្រើប្រាស់​ចាន​ជ័រ ​ឬ​ស្នោ​។ បើ​តាម​មន្ទីរ​បរិស្ថាន​រាជធានី​ភ្នំពេញ ​នេះ​គឺ​ជា​សកម្មភាព​ដ៏​ល្អ ​ដែល​បាន​រួម​ចំណែក​ក្នុង​ការ​ថែរក្សា​បរិស្ថាន​ និង​ប្រើប្រាស់​ធនធាន​ប្រកប​ដោយ​និរន្តរភាព​។